09.01.13.
Öten agşam Bapba Gökleňi düýşümde görüpdirin. Egni täzeje lowurdap duran
garamtyl ýaşyl kostýumly, buýra saçlary ondanam beter lowurdaýar, ýüzi nurly,
şol owadan ýylgyrşy bilen ýylgyrýar. Menem bir edarada (oba hojalyk edarasymy,
redaksiýamy) başlykmyşym. Ýüzüm aladaly, çytyk. Bapba-da meniň bolşuma
ýylgyýar, ýaňsa alýan ýaly, kakdyrybrak, seresap bir zat diýýär. Menem “Maňa
hiç kimçe ýokdugymy diňe sen aýtdyň. Sen hakyky erkek oglan” diýýän. Içimden
“Seniň aýaklaryňa ýykylyp, aýagyňy ogşasym gelýär, ýöne gelşiksiz boljak” diýip
pikir edýän. “Men daşymdan ulumsy görünsemem, hakykatda özümiň hiç kimdigimi
bilýän-ä” diýýän. Bapba bu sözüme-de owadan ýylgyrýar.
Täze ýylyň öň ýany neressäň belli günüdi. Amana diýsek äkider, bir öýlerine
baryp gaýdalyň. Bir pakedi dolduryp sowgadam alalyň” diýişdik. Şol päketden
boldumy, bilmedim, gidilmedi. Ýadymdan çykardym, dogrusy. Diriler ýaly bigaýrat
millet ýokdur. Ölenler şol bir durkuny saklap ýatyrlar, biz guýruk bulap, telim
ýola düşýäris. Dostum, bagyşla. Seň meni bagyşlajagyňy bilýän. Sen hakynda
ýatlama ýazmaly welin, menden has ýakyn bolan, has köp tirkeşen oglanlaryň
ederine garaşyp ýörün. Ylýasam, Amanam muny menden gowy ýazardy, belki,
ýazarlaram inşaalla. Alla saňa rehmet etsin, ýatan ýeriň ýagty, jaýyň jennet bolsun.
Meň seni göresim gelýär. Görjek wagtymam gaty daş däl ýaly, şonda bize
biri-birimizi begendirmegi nesip etdirsin Ýaradan.
Teswirler (0 sany)
Teswir ýazmak üçin içeri girmegiňizi haýyşt edýäris.