29.03.13
Ilkinji gezek iki tekerli tigre münüp, ony süürmäni öwrenenimde, meni geň
galdyran zat, tigir ýörese ýykylmaýandygy, dursaňam derrew bir gapdala
agýandygy boldy. Ýykylmjaka bolsaň hereket etmelidi, ýogsa, duran zat ýykylman
duraýjak ýaly. Daşy suwuň ýüzini gyrdyryp kim daşa zyňmaşak oýnansyňyz.
Şonda-da daşyň bady ýatsa, şobada sywa gaçýar. Kakam pahyram hereketli adamdy.
Segsenden geçse-de, ýörände aýak sesi düňküldäp eşdilerdi. Bir gije-de
oýanypdyr, çyrany ýakjak bolupdyr, düwmäni gözläpdir. Tapmansoňam gaharyna
özüni ýatýan krowatyndadyryn öýdüp aşak goýberipdir, çüýjigi gaty pola urulyp
jýaýrylypdyr. Şeýdip, 85 ýaşly kakam esli wagt ýöräp bilmän düşekde ýatmaly
boldy. Hereketden galansoň dürli keseller basyp ugrady, 86 ýaşynda-da ýurduny
başgalady.
Ýaňy-ýaňam awtomaşynlar beýle köp däldi, her kim pyýada gezerdi. Indi ýaňy
murty taban oglanam maşyndan düşmäni kyn görýär. Hereket azaldy. Akyl herketem
şeýle ýaly. Çagalara çanli her kim kompýutere, kalkulýatora, telewizora daňylgy.
Az hereket etmek, az pikir etmek ýoň bolup barýan ýaly. Hatda obalarda
tamdyrlaram azaldy, her kim çöregi satyn alýar. Gşwün baýlygy, düşünje baýlygy,
akyl baýlygy pul-zat baýlygyndan pes görülýäne meňzeýär. Zehin diňe okuwa
girmek üçin gerek ýaly. Emma, okuwa girmek isleýän, çagasyny okatjak bolýan
köpelýär. Her kimem çagasynyň halal çörek iýýenini isleýär. Köp kişi haramdan
gorkýar. Bir döwür (Hruşşewiň, Brežnewiň döwri) haram-halal tapawut edilmezdi.
Garawula çenli ogurlyk edip ýaşamalydyr öýdýardi. Adamlar iman hakynda, imanly
ölmek hakynda alada edýärler. Imanly ölmek hakynda alada – megerem, adamyň iň möhüm
herketlerinden biridir.
P.S. Gürrüňini ýene Alla, imana syrygdyrdy diýip, ýüregiňiz bulanyp, gusjak
bolup ýörmäň, başga bir gürrüňde many göremok, başga bir gürrüňde hakyky many
tapmadym. Manysyz hasaplaýan gürrüňimem edesim gelenok. Siz (Alla hakynda
güürüňi halamaýanlar) gowsy Hydyr Amangeldi diýilýaniň ýazgylaryny okajak, oňa
teswir ýazjak bolup, şeýdibem özüňizi görkezjek bolup azar galmaň. Muny diňe
size nebsim agyransoň maslahat berýärin. Ýogsa, her üýren güjüge kesek atjak
bolsaň, barjak ýeriňe barmarsyň, başga zada eliňem degmez. Şonuň üçindir meger,
Alla hakynda jedel edilse halanmaýar.
Teswirler (1 sany)
Teswir ýazmak üçin içeri girmegiňizi haýyşt edýäris.
Hezreti Musa (aleýhisselam) sorapdyr: "Allahym, käbir adamlar bar, seni bilýäler, tanaýalar, ýolda saňa gelýär-kä, golaýlaşan mahaly birden yzyna öwrülip gitýäler. Men düşinemok, näme üçin beýle bolýar?"
Allah "Eý Musa, olar meni hakykatdanam bilýänler däl. Bu ýoluň ýolagçylary hem däl. Olar yzyna dänýenlerdir." diýp jogap beripdir.
Uniwersitete, instituta girýänleriň hemmesi ylym ýolunda ýolagçy däl. Ylym isleýän adamlaram däl. Olar başga zady gözläp ol ýerlere barýalar. Ene-atalar, çagalaryny ynsan terbiýe etmek üçin dünýä getirenok, olaram başga ýoluň ýolagçylary. Ene-atalaryň iň köp edýän aladasy çagasyny abraýly, aýlykly, maşgalaly etmek aladasynyň aşagynda diňe dünýewi maksatlar ýatyr. Ahyretini pikir edip maşgala gurýan adam galdymyka? Hakyky ylym isläp okuw okaýan adam galdymyka? Çyndanam Allahy bilýän näçe adam galdyka?
Bir şahyryň gödek terjime bilen aýdanda diýşi ýaly,
Musulmanlyk bärde dursyn adamçylyk hem galmandyr,
Maksat diňe başgalaryny aldatmakdyr,
Hakyky musulmanlar diňe mazardadyr,
Musulmanlyk bugün asmandadyr...
Bilýändirin öýtýänler köp, diňe edebiýat etmek bilen meşgul, owadan söz aýtmak üçin ýaryşýan pahyrlar köp, iki kitap okap alymdyryn öýtýänler köp...
Yöne bugün Yslam garyp...