• Baş sahypa
• Eserler
  • Hekaýalar
  • Goşgylar
  • Powestler
  • Esseler
  • terjimeler
  • söhbetdeşlik
  • ýatlamalar
• Gündelik
• Kitaplar
• Surathana
• Myhman depderi
• Söhbetdeşlik
• Men barada

21.05.13

Gündeligiň dowamyny Wýetnamdan ýazýaryn. O ýerlere nädip düşüp ýörsüň diýmäň, bärde oglum Kemal işleýär. Elbetde, agtyklarymam ýanynda. Şolaryň ýanyna myhmançylyga geldim. Belki, howa üýtgemegi saglygyma-da gowy ýarar diýen umydym bar.

Bu ýurduň geň howasy bar eken. Çygly, yssy. Köp ýagyş ýagýar. Ýagyşdan soň howasy gaty gowy bolýar. Aslynda yssy bilen öwrenşen bolamyzsoň, biz yssysy bildirenok. Mende gaýta, öz ýurduma elen ýaly duýgy döredi. Türklerdäki ýaly (bazarlarynda) galmagal ýok. Adamlary pes päl, medeniýetli. Içlerinde gopbamlyk, gözügidijilik ýaly ýaramaz duýgular görmedim. Her kim gara güni bilen. Oglumyň işlerem ýaňy başlapdyr. Erbet däl. Aslynda, firmasam, ofisem kiçijik. Başlangyç şeýle-de bolmaly. Dogrusy uly bir firma bolmak, köp gazanç etmek maksatlaram ýok. Esasan iş gurnamagy öwrenýärler.

Bärdäki türkmen oglanlardan biri bilen ýörite kofe berilýän (satylýan diýsem ýalňyş boljak, ýogsa, pully hyzmat) ýere geldik. Ýokary derejede hyzmat edýärler. Kofäniň (taýýar hem taýýar däl) görnüşlerinden dürli-dürlileri bar eken. Kofäniň taryhy, Hemingueýiň, Napolýonyň… kofe barada aýdanlary we ş.m.-lere gözüň düşýär. Umuman Wýenamda kofe öndürilýär, giden plantasiýalary bar. Bize ýoldaş bolan oglan kofe ekilýän etraplaryna gidip gelen eken, gyzykly gürrüňler berdi.

Wýetnam motosikletiňem köp ulanylýan ýeri eken. Ilki bada olaryň köplügi geň galdyrýar. Awtomaşin ulanýanlar gaty az. Köçeleri darrak, mlletem uda köp bolansoň motosiklet juda amatly ulag bolup durberýän eken. Biziň (SSSR) döwrümizdäki ýaly «Ýawa» motoryny uçraýjak bolup ýören ýekeje adamam ýok. Her bu ulagy edil eşek, at ýaly ulag hökmünde görýärem, ulanýaram. Umuman bu milletde görünjek bolmak, aşa bezenjek, bezenjek bolmak häsiýeti ýok ýaly. Geýinişlerem, ulaglary ýaly ýönekeý. Baý-garyp kän tapawut edenok. Birhili SSSR-iň «deňlik» döwri ýadyňa düşýär. Adamla garynja ýaly, her kim bir iş bitirip ýör.

Bu ýurt dürli miweleriňem ýurdy eken. Ömrümde görmedik miweleriň dükanlarynda satylýar. Tagamynam dadyp göräýmeseň düşündirmek, biziň miwelermize meňzetjek gümanyň ýok. Biziňkilerden garpyz bar eken, tagamam biziňki ýaly diýseň boljak. Balyklaryň her hilisi satylýar. Ully akwariumlarda ýüzüşip ýörler, haýsyny görkezseň şonam tutup berýärler. Bu ýerde-de bekre balygy gymmat bahaly eken. Elbetde, bi z ondan alyp bilmedik. Kopçennyý, seledka diýen ýaly önümleri görmedim.

Ýagyş bedreden guýlan ýaly ýagýar. Günde birküç gezek çagba gelýär – derrewem diňýär. Şonuň üçin şäheriň gyralary batgalyk, hapalyk., gamyşlyk. Bu biraz ýurduň görküni gaçyrýar.

Häzirlikçe şular. Galanynam soň.

Teswirler (1 sany)

Teswir ýazmak üçin içeri girmegiňizi haýyşt edýäris.