BIŞEN ALMA
Goşa düwen miwedi ýolmaga eliňiz ýetmän,
Urduňyz gaçyrdyňyz, şonda-da
Naýynjar bakdy, razymysyňyz,
Çüýrügi ýokdur-da hernä? Bişip bir ýetişipdirmi?
Süýjiligi dodagyňyzy ýarmasyn,
Beýniňize uraýmasyn turşusy?
Iýip bilmejekmisiňiz, ýarman?
Dograp nätjkdiňiz? Şu durşam owadan ahyryn!
Kakasy gujurly şahady, ejesi güldenem ýumşak,
Ýazyň güni olardan boldular goşa düwünçek,
Ýaldyrak geçensoňam bişdiler.
Oňa çen, ýokarda, şemaldy olary ýylman
Gündi gyzardan. Uzakdy oglan gyzlardan.
Ýanynda taýy,
Ulaldylar gün saýy.
Bu günem eliňizde, urduňyz gaçyrdyňyz,
Iýiň noş bolsun. Ýöne soňundan el galdyryp,
Ekene-dikene rahmet bir diläň.
Çigdimem oklaýyň birýana,
Belki... ýene bir ýazda olardan
Ýolarsyňyz almalar.
Almalar köpelýär ahyr almadan.
Teswirler (0 sany)
Teswir ýazmak üçin içeri girmegiňizi haýyşt edýäris.